Dr Tag het agfange mitere luute Motorsagi, da isch niemer wach blibe. När hets äs richtigs Zmorgebuffet gä, sogar mit Wurscht. Mhmmm Fein! Derbi hei mir erfahre dass üse Lagerplatz vode Wisse mitere Bahnstrecki söu verboue wärde. Üs Indianer isch das natürlech nid egau gsi. So hei mir Teens üs ufe wäg gmacht für dr Übeltäter z fingä. Schnäu hei mir üsi Sache zämäpackt und si ohni zögere los mitem Old Shatterhand und em Sam Hawkins. Kids si ungerdessä mitem Winnetou ga Hilf hole bide andere Indianer, jetz bruchts jede.
2-Tages Wanderig Teens
Aber leider isch das ganze nid ohni Hinderniss gange, mit Fotoschnipsel hei mir müesse usefinge wo dr Bahnmeister düre isch. Blöderwies isch dä geng scho wäg gsy wemer a nächst Ort si cho. Mängisch hei mir o Lüt um Hiuf müesse frage, die Sach isch komplizert gsi… nachemne länge Marsch hei mir vo üsem Gastgäber ä Glace spändiert becho. Aschliessend hei mir sogar zwüsche drü verschiedene Abchüeligsmüglechkeit chöne useläse. Nachem feine Znacht het o d’Andacht und ds Singe nid dörfe fähle. D Nacht hei mir när ungerem freie Stärnehimmu verbracht, so laht säch guet la schlafe.
Am nächste Morge hei mir sogar chöne dr Sunneufgang beobachte.
Liebs Grüessli öii Apache
Gruppe Ribanna: Keya, Lara mit Leana, Laia, Emily, Jenny, Giulia
