Am Morge sy mir mitemne Outo gweckt worde und hei sofort müesse packe. Wo mir de us de Zelt sy cho hei mir mit emne riise Schreck müesse feststelle, dass üse Lagerplatz vo Fremde isch verwüestet worde (niemer hie weiss wer dasses isch gsy). Nach dem Schreck hei mir es feins festlechs Zmorge becho, wüu gester am Aabe spet der Winnetou unversehrt usem Lager vo de Bleichgsychter isch zrüggkehrt. Anschliessend hei mir Chliigruppe gha und nach emne BABABABINGOOOO-Gebet hei mir de no es Gländegame gspielt für üsi Indianer-Fähigkeite ds teste. Zum Zmittag hei mir de es wetterentsprechends Gricht verspiise (Birchermüesli). Ir Siesta hei de d Leiter üsi Zelt abbout und mir hei chönne chille. Ner hei mir verschiedeni Freizytaagebot gha, wie zum Bispiel es letschts Mal ga bade, Bändeli chnüpfe und Volleyball spiele. Ner chöme mir scho fasch zum wichtigste Teil vom Tag und hei no feini Creme und Güetzi zum Zvieri becho. NER CHUNNT D GRICHTSVERHANDLIGGGGG!!! Der Abahachi (üse Zorro) het sech sehr tapfer ghalte und mir hei viiieli falschi Züüge und Aaklagti gha. Schlussendlech het üse Abahachi imne Söiliköstum müesse e Hobby-Horsing Parcour absolviere (mit Bravur bestande!) und d Hilfsabahachis si wehrenddem am Marderpfahl abbunde gsi. Nach dem Spektakel hei mir es feins Znacht übercho und itze geits de witer mit Lagerfüür!
