Guuuuteeen Mooorgen, Guuuteeen Morgeeen, Guten Morgen Sonnenschein… Ja genau e so si mir hüt am Morge gweckt worde. Nid mau usschlafe darf me! När hets de aber Z´Morge geh und mir hei Chliigruppezyt gha. Anschliessend hei mir mir müesse ga d Bleichgsychter sueche und hei es (ultrakomplizierts) Mister X gspielt. Wo mir eis vo dene Bleichgsychter hei gfunde hei mir denkt itz isch gnue Höii dunger und si di cheibe Bleichgsychter ga aagrife (Jungschi Oberdiessbach, wer süsch?) Di hei üs mit üserscht unfaire Mittel id Flucht gschlage und hei üse gliebt Winnetou festgno! De hanget itze bi ine am Marderpfahl… Nach dem bittere Kampf si mir zrügg uf üse Platz wie´s am Winnetou si letscht Wunsch isch gsy und hei dert um ihn truuret. Trotz am Herzschmärz hei mir aber e Sterchig bruucht und hei e feini Rüeblicreme schnabuliert. Ir Siesta hei mir chli Spieli gspielt und am spetere Nami si mir no ga bade, Volley spiele, Juffli-Spieli spiele und hei no e feini Glace übercho. Itze gsets us als würds no cho regne, aber d Chuchi het üse Buuch no mit viuuuu Burger gfüllt, derum, mir werdes knapp überlebe (Jungschi Oberdiessbach, mir chöme öich de schono cho tätsche!). Gute Naacht, gute Naaacht, gute Naacht oh Mondschein…
Donnerstag
